Qarabağ və Şərqi Zəngəzurun bütün ərazisi elektrik xətləri ilə təchiz olunub

Qarabağ və Şərqi Zəngəzurun bütün ərazisi elektrik xətləri ilə təchiz olunub.

Bunu energetika naziri Pərviz Şahbazov Şuşada Bakı Enerji Həftəsi çərçivəsində keçirilən “Sıfır tullantıya doğru yol: Qarabağ bölgəsində “yaşıl” enerjinin potensialı və imkanları” adlı xüsusi sessiya zamanı deyib.

Onun sözlərinə görə, qısa zaman ərzində Qarabağda 20 meqavatt gücündə stansiya tikilib. Bundan başqa, 19 yarımstansiya bərpa edilib, 7 yarımstansiya inşa edilib və daha 8-i tikiləcək.

Nazir qeyd edib ki, Qarabağ və Şərqi Zəngəzurun bütün ərazisi elektrik xətləri ilə təchiz olunub.

“Qeyd etmək istəyirəm ki, Qarabağın günəş enerjisi potensialı 7,2 giqavatt, külək enerjisi potensialı 2 giqavatt həcmində qiymətləndirilir. Vurğulamaq istəyirəm ki, ölkənin su ehtiyatlarının 25 faizi məhz bu bölgədədir. Bu gün biz “Masdar”la 4 meqavatt gücündə, bp ilə 230 meqavatt gücündə yarımstansiyanın tikintisi ilə bağlı sənədlər imzalayacağıq”, – deyə o bildirib.(trend).

Medianews.az