Rusiyadan “Ukraynanın ilhaqı” siqnalı

Ukraynada Rusiyanın nəzarətində olan regionların gələcəyi ilə bağlı müzakirələr davam edir.

Medianews.az xəbər verir ki, Rusiya Parlamentinin Xarici Əlaqələr Komitəsinin sədri, deputat Leonid Slutski Rusiya ordusunun nəzarətində olan bölgələrin Rusiyaya birləşməsi üçün gələn ayın əvvəlində Ukraynada referendum keçirilə biləcəyini bildirib. Ukrayna ilə son sülh danışıqlarına da qatılan Slutski, “iyulda referendumun keçirilməsi ehtimalının olduğunu düşünürəm” deyə bldirib.

“Səslərin harada keçiriləcəyini təxmin etməyəcəyəm, amma güman edirəm ki, işğaldan azad edilmiş ərazilər eyni vaxtda referendum keçirəcək”, – deyə rusiyalı deputat bildirib.

Xatırladaq ki, Ukrayna prezidenti Volodimir Zelenski daha əvvəl Rusiyanın Ukraynada Xerson və Zaporojya kimi müstəqillik referendumu keçirməyi planlaşdırdığını iddia etmişdi.
Bundan əlavə Rusiyanın Ukraynada nəzarət etdiyi bölgələri ilhaq etməyə hazırlaşdığına dair iddialar da müzakirələrə səbəb olub. Xersonda Ukrayna pul vahidi əvəzinə rus rublundan istifadə edilməsi bu iddiaları daha da gücləndirib

Qeyd edək ki, Ukraynanın şərqində, Rusiyanın dəstəklədiyi separatçıların yerləşdiyi Donbas bölgəsinə hücuma keçən Rusiya ordusu son vaxtlar bir çox əraziləri ələ keçirib.

Leyla, Medianews.az