Media
Türkiyə ilə Yunanıstan arasında gərginliyin yaşandığı vaxtda, Türkiyə prezidenti və AKP sədri Rəcəb Tayyib Ərdoğan dünən verdiyi açıqlamada “Yunanıstan yola gəlməyəcək. Biz bundan sonra bu ölkə ilə ikitərəfli danışıqlar aparmayacağıq. Biz yüksək səviyyəli strateji razılaşmamızı pozduq”,-deyə açıqlama verib.
Medianews.az xəbər verir ki, Afina rəhbərliyi Ərdoğanın sərt açıqlamasına cavab verib.
Yunanıstan Türkiyə ilə gərginliyin artmayacağını bildirsə də, ölkənin milli maraqlarını müdafiə etməkdə qərarlı olduqlarını vurğulayıb.
Yunanıstan Xarici İşlər Nazirliyinin sözçüsü Aleksandros Papaioannou keçirdiyi mətbuat konfransında Türkiyə ilə bağlı BMT-yə göndərdiyi məktubu xatırladıb və Türkiyənin iddialarını “əsassız” adlandırıb.
“Bizim xarici siyasətimiz müəyyən dəyərlərə, prinsiplərə, beynəlxalq hüquqa və dəniz hüququna hörmət üzərində qurulub. Bu dəyərlər və prinsiplər bizim bələdçimiz olmağa davam edəcək”, – deyən Aleksandros Yunanıstanın Türkiyə ilə “şəxsi müzakirəyə girməyəcəyini” bildirib.
“Beynəlxalq hüquq əsasında biz təxribatlara sağlam düşüncə və mülayimliklə cavab veririk, eyni zamanda tərəfdaşlarımızı və müttəfiqlərimizi hadisələrdən xəbərdar edirik”,- deyə Papaioannou əlavə edib.
Xatırladaq ki, Yunanıstan ötən həftə BMT-yə Türkiyədən şikayət məktubu göndərib.
Leyla, Medianews.az
