Media
Rusiyanın Ukraynanı işğalından sonra Türkiyənin Finlandiyaya etirazları və İsveçin NATO-ya üzvlük müraciəti müzakirələrə səbəb olduğu vaxtda, Finlandiyadan Türkiyəyə silah embarqosu ilə bağlı diqqətçəkən açıqlama gəlib.
Medianews.az xəbər verir ki, dünən səhər saatlarında Finlandiya televiziyasında yayımlanan proqrama qatılan Finlandiyanın müdafiə naziri Antti Kaykonen ölkəsinin Türkiyəyə silah satışı embarqosunu qaldırıb-qaldırmayacağı ilə bağlı dəqiq açıqlama verməkdən imtina edib. Digər tərəfdən, finlandiyalı nazir ölkəsinin döyüş bölgəsinə silah ixrac etməmək prinsipinə əməl edəcəyini bildirərək, embarqonun qaldırılmayacağına dair Türkiyəyə işarə verib.
Kaykonen isə İsveçin Türkiyəyə tətbiq etdiyi embarqonu aradan qaldıracağı xəbərinə şübhə ilə yanaşdığını bildirib.
Qeyd edək ki, İsveçin “Expressen” qəzetinə danışan İsveç Silah İxracına Nəzarət Təşkilatının sədri Karl Evertsson “bugünkü şərtlərlə Türkiyəyə silah sata bilərik” deyə bildirib.
Finlandiya mətbuatının yazdığına görə, Türkiyənin digər tələbləri də ölkədə böyük mübahisə yaradır. Xüsusilə də terror təşkilatları ilə əlaqəsi olan şəxslərin Türkiyəyə ekstradisiyası tələbi Finlandiyada bəzi təbəqələrin etirazı ilə qarşılanır.
Leyla, Medianews.az
