İsrail və Birləşmiş Ərəb Əmirlikləri (BƏƏ) arasında aylarla davam edən danışıqlardan sonra ilk böyük azad ticarət sazişi imzalanıb.
Medianews.az xəbər verir ki, İsrail ilə bir ərəb ölkəsi arasında ilk böyük razılaşmanın sona çatdığını açıqlayan BƏƏ-nin İsraildəki səfiri Amir Hayek, Twitter hesabında paylaşdığı əvvəlki yazıya istinad edərək, “İsrail və BƏƏ yaxın vaxtlarda azad ticarət müqaviləsi imzalayacaq”,-deyə bildirib.
BƏƏ-İsrail İş Şurasının sədri Dorian Barak bildirib ki, imzalanan sazişə vergi dərəcələri, idxal və əqli mülkiyyət hüquqları və BƏƏ-də, xüsusilə Dubayda biznes quran daha çox İsrail şirkətləri daxildir.
Şuranın hesablamalarına görə, ilin sonuna qədər Cənubi Asiya, Uzaq Şərq və Yaxın Şərqdə, həmçinin BƏƏ-də və ya BƏƏ ilə əlaqələri olan 1000-ə yaxın İsrail şirkəti fəaliyyət göstərəcək. Sədr Barok, “Daxili bazar bütün imkanları təqdim etmir. Dubayda daha geniş bölgəni hədəf almaq üçün imkanlar yaranır”,-deyə bildirib.
İsrail və BƏƏ arasında rəsmi əlaqələr ilk olaraq 2020-ci ildə ABŞ -ın vasitəçiliyi ilə imzalanan İbrahim Sazişi ilə başlayıb.
Sözügedən müqavilə İsraillə bir ərəb ölkəsi arasında imzalanan ilk ticarət müqaviləsidir.
Leyla, Medianews.az