Rusiyanın Ukraynanı işğalından sonra Türkiyənin Finlandiyaya etirazı və İsveçin NATO-ya üzvlük müraciəti müzakirələrə səbəb olan bir vaxtda, İsveçdən Türkiyəyə silah ixracatı ilə bağlı əhəmiyyətli bir açıqlama gəlib.
Medianews.az xəbər verir ki, Türkiyə prezidenti Rəcəb Tayyib Ərdoğan iki ölkəni terror təşkilatları PKK və FETÖ-yə dəstək verməkdə ittiham edərək, “İsveçin bizə qarşı tətbiq etdiyi hazırkı sanksiyaları heç bir şəkildə kənara qoya bilmərik” deyə bildirib. Ərdoğan həftəsonu açıqlamasında Finlandiya və İsveç nümayəndə heyətləri ilə ötən həftə keçirilən görüşlərlə bağlı “təəssüf ki, danışıqlar gözlənilən səviyyədə olmadı. Onlar səmimi deyillər” deyə açıqlama verib.
Qeyd edək ki, İsveç və Finlandiya 2019-cu ildə Suriyanın şimalında “Barış Pınarı” əməliyyatından sonra Türkiyəyə silah satışını məhdudlaşdırmışdı.
Nəhayət, PKK-ya dəstək ittihamını rədd edən İsveçdən Türkiyəyə silah ixracının davam edə biləcəyi barədə siqnal gəlib. “Expressen” qəzetinə danışan İsveç Silah İxracına Nəzarət Təşkilatının sədri Karl Evertsson Türkiyə ilə aparılan danışıqlarla bağlı açıqlamalar verib.
Evertsson, “Türkiyənin hazırda bizim silahlarımıza ehtiyacı yoxdur. Bizdən silah almırlar. Müdafiə komissiyasından gələn ərizələri bir-bir araşdırırıq. Biz bugünkü şərtlərlə Türkiyəyə silah sata bilərik”, – deyə bildirib.
İsveç istehsalı olan tank əleyhinə silahların PKK tərəfindən ələ keçirildiyi xəbəri ilə bağlı Evertsson bildirib ki, onlar təşkilatlara silah ixrac etmirlər.
“ Bu silahlar da ABŞ-ın lisenziyasındadır və üçüncü ölkələrə göndərilməsi qadağandır”,-deyə bildirib.
SR dövlət radiosunun xəbərinə görə, İsveç 2019-cu ildə Türkiyəyə silah satışını qadağan etdikdən sonra İsveçdə yerləşən üç özəl silah şirkətinin Türkiyəyə silah satmaq tələbi rədd edilib.
Leyla, Medianews.az