Rusiya-Ukrayna müharibəsinin yaratdığı enerji böhranından sonra qida böhranının da qapıda olduğu xəbərdarlığını edən Zelenski bu dəfə tarix açıqlayıb.
Medianews.az xəbər verir ki, Rusiyanın əsas ixrac yollarını bağlaması səbəbiylə 22 milyon ton taxılın anbarlarda gözlədiyini bildirən Zelenski, “İyul ayında bir çox ölkə keçən ilki məhsul ehtiyatlarını tükətdikdə, fəlakətin böyüklüyünü anlayacaqlar”, -deyə bildirib.
Ukrayna prezidenti Volodimir Zelenski son bir neçə gündə dünyanı yeni böhranın gözlədiyini söyləyərək, “Rusiyaya bağlı enerji böhranından sonra ikinci böhran ərzaq böhranı olacaq”. sözləri işlətmişdi.
Zelenski bu dəfə ölkəyə ixracı mümkün olmayan taxıllarla bağlı açıqlama verib. O vəziyyəti qlobal ərzaq təhlükəsizliyi üçün potensial “fəlakət” kimi qiymətləndirərək, Rusiyanın Qara dəniz və Azov dənizi vasitəsilə ölkənin əsas ixrac marşrutlarını bağlamağa davam etdiyi üçün Ukraynanın taxıl ixracının demək olar ki, yarısının dayandığını qeyd edib.
Prezident Zelenski açıqlamasında “Bu gün anbarlarda 22 milyon ton taxıl saxlanılır. Biz onları ehtiyac duyulan beynəlxalq bazarlara çatdıra bilmirik”, -deyə qeyd edib.
“Qıtlıq təkbaşına gəlmir, o, həmişə vəziyyəti daha da pisləşdirən, insanların həyatını məhv edən və onlar üçün təhlükəli şərait yaradan siyasi xaosla müşayiət olunur. İyul ayında, bir çox ölkələr məhsul ehtiyatlarını bitiridikləri bir vaxtda fəlakətin nə qədər böyük olduğunu anlayacaqlar”, – deyə Zelenski bildirib.
Medianews.az