Media
Avropanın bir çox ölkəsində görülməyə başlayan meymun çiçəyi virusu Avropanın maliyyə mərkəzi və türklərin sıx yaşadığı Frankfurtda da yayılıb.
Medianews.az xəbər verir ki, 39 yaşlı xəstənin yüksək hərarət, titrəmə və dəri dəyişikliyi ilə bağlı ailə həkiminə müraciət etdiyi və analizlərdə meymun çiçəyi virusunun aşkarlandığı açıqlanıb. Bildirilir ki, Frankfurt, ətraf əyalətlərdə və bütün Hessen əyalətində həkimlərə xəbərdarlıq edilib. Həmin şəxsin xaricə çox getmədiyi, ictimai tədbirlərə qatılmadığı bildirilir.
Hessen Ştat Sağlamlıq Birliyinin rəhbəri Peter Tinnemann bildirib ki, virusun xəstəyə necə keçdiyi hələ də sirr olaraq qalır, o, üç həftə karantində saxlanılıb və müalicəsinə başlanılıb.
Məlumata görə, hazırda dəqiq müalicə məlum olmadığı üçün normal virus və ya soyuqdəymə əleyhinə dərmanlardan istifadə edilir.
Xəstəliyin yayılmasının tacdan daha yavaş olduğu və sürətli epidemiya riskinin az olduğu, virusun mutasiyaları çox tez dəyişmədiyi bildirilir.
Leyla
