Media
Türkiyə Prezidenti Rəcəb Tayyib Ərdoğanın Suriyada təhlükəsiz zonaların yaradılması üçün yeni addımların atılacağı ilə bağlı açıqlamasının əks-sədaları davam edir.
Medianews.az xəbər verir ki, mətbuat konfransında ABŞ Dövlət Departamentinin sözçüsü Ned Prays bildirib ki, ABŞ Dövlət Departamenti və Ankara səfirliyi Türkiyənin müvafiq qurumları ilə əlaqə saxlayıb.
Ned Praysdən Rojavada yeni qarşıdurma ehtimalı ilə bağlı sualı cavablandıran zaman bildirib: “Prezident Ərdoğanın son günlər səsləndirdiyi təklifi öyrənmək üçün türk müttəfiqlərimizlə danışdıq. Biz bunu səfirliyimiz və Xarici İşlər Nazirliyinmiz vasitəsi ilə də etmişik”.
Xatırladaq ki, ABŞ Dövlət Departamentinin sözçüsü Ned Prays əvvəlki mətbuat konfransında Türkiyənin Suriyanın şimalında mümkün əməliyyatının regional sabitliyə zərər verə biləcəyini demişdi.
Prezident Ərdoğan Nazirlər Kabinetinin son iclasından sonra verdiyi açıqlamada, “Cənub sərhədlərimizdə 30 kilometr dərinlikdə təhlükəsiz zonalar yaratmaq üçün başladığımız işin çatışmayan hissələri ilə bağlı tezliklə yeni addımlar atmağa başlayırıq. Ölkəmizə və təhlükəsiz zonalarımıza qarşı tez-tez hücumların, təqiblərin və tələlərin mərkəzi olan ərazilər əməliyyat prioritetlərimizin başındadır. Türkiyə Silahlı Qüvvələrimiz, kəşfiyyat və təhlükəsizlik qüvvələrimiz hazırlıqlarını tamamlayan kimi bu əməliyyatlar başlayacaq”, – sözlərini işlətmişdi.
Leyla, Medianews.az
