Media
Şimali Koreya bu gün üç raket sınağı keçirib, onlardan biri qitələrarası ballistik raket olub.
Medianews.az xəbər verir ki, Cənubi Koreya ordusu Şimali Koreyanın bir saat ərzində Sunan bölgəsindən üç raket atdığını açıqlayıb. Üç ballistik raket sınağından birinin uğursuz olduğu bildirilib.
Yapon mediası da raketlərin ölkənin Yaponiya dənizindəki müstəsna iqtisadi zonasından kənara düşdüyünü bildirib.
Şimali Koreyanın raket sınaqlarına cavab olaraq bölgədə təlimlər keçirən Cənubi Koreya və ABŞ orduları qurudan-quruya raket sınaqları həyata keçirib.
Maraqlıdır ki, son vaxtlar raket sınaqlarını sürətləndirən Şimali Koreyanın son sınağı ABŞ prezidenti Co Baydenin Cənubi Koreya və Yaponiyanı əhatə edən Asiya turundan dərhal sonra baş verib.
Leyla
