Media
Federal Təhqiqatlar Bürosu (FTB) ABŞ-ın keçmiş prezidenti Corc Buşa qarşı sui-qəsdin qarşısını alıb.
“Report” xəbər verir ki, bu barədə “Forbes” məlumat yayıb.
Məlumata görə, sui-qəsd cəhdini Ohayoda yaşayan iraqlı planlaşdırıb. Onun İŞİD terror qruplaşması ilə əlaqəli olduğu bildirilir. Şübhəli şəxs 2020-ci ildə ABŞ-a gəlib, sığınacaq üçün müraciət edib.
Şübhəli şəxs qətlin təşkilinə Türkiyə, Misir və Danimarkada yaşayan daha 4 iraqlını cəlb etməyi planlaşdırdığını etiraf edib. Bundan əlavə, onun Texasa Buşun evini videoya çəkmək üçün gəldiyi məlum olub.
O, öz hərəkətini 2003-cü ildə ABŞ-ın ölkəyə müdaxiləsindən sonra minlərlə iraqlının ölümünə görə Buşu məsuliyyət daşıması ilə izah edib.
