Birləşmiş Millətlər Təşkilatı (BMT) Ukraynadakı müharibənin təsiri ilə dünyada məcburi köçkünlərin sayının ilk dəfə olaraq 100 milyonu keçdiyini açıqlayıb.
Medianews.az xarici mediaya istinadən xəbər verir ki, BMT-nin Qaçqınlar üzrə Ali Komissarlığı (UNHCR) zorakılıq, münaqişə, insan haqlarının pozulması və təqiblərdən qaçmağa məcbur olan insanların sayının 100 milyonluq “mərhələni” keçdiyini açıqlayıb.
Ukraynadakı müharibənin də bu rəqəmə çatmasında təsirli olduğuna diqqət çəkən BMT QAK 2021-ci ilin sonuna qədər Efiopiya, Burkina Faso, Myanma, Nigeriya, Əfqanıstan və Konqo Demokratik Respublikasında məcburi köçkünlərin sayının 90 milyona yüksəldiyini açıqlayıb.
Xatırladaq ki, Rusiyanın fevralın 24-də Ukraynaya hücumları nəticəsində 8 milyondan çox insan Ukrayna daxilində didərgin düşüb, 6 milyondan çox qaçqın isə sərhədləri tərk edib.
Medianews.az