May ayının əvvəlində yenidən ortaya çıxan və Belçika, Almaniya, Kanada, ABŞ, İsrail kimi bir çox ölkədə görülən meymun çiçəyi virusu bütün dünyanın gündəmindədir.
Medianews.az xəbər verir ki, virusun iki həftə əvvəl Belçikada keçirilən və 3 yoluxmanın açıqlandığı “Darklands” adlı festivalı ilə əlaqəli olduğu iddia edilib.
Festival rəhbərliyinin “Facebook” hesabından verdiyi açıqlamada, iştirakçılardan qripə bənzər şikayətlər və dəridə qabarcıq kimi əlamətlərə qarşı diqqətli olmaları istənilib. Festival komandası meymun çiçəyi virusunun xarici iştirakçılar vasitəsilə yayıldığına inanır.
Mayın 4-dən 9-a kimi Antverpendə keçirilən Darklands festivalına Türkiyədən və xaricdən çoxu kişilər olmaqla 10 min turist gəlib. Ölkədə meymun çiçəyi virusuna yoluxanların 21 gün müddətində karantində qalması qərara alınıb. Bu insanlarla yüksək riskli təmasda olanlardan simptomların inkişaf edib-etməmələrini özlərinin izləmələri xahiş olunub.
Yüksək riskli təmaslar arasında otaq yoldaşları, cinsi partnyorlar, yaxın təmaslar və xəstəyə qulluq edən tibb işçiləri daxildir.
Antverpen Tropik Tibb İnstitutunun həkimi İzabel Brosius, virusun geniş yayılma şansının çox aşağı olduğunu, lakin hələ də vəziyyəti yaxından izlədiklərini söyləyib.
Belçika Baxım və Sağlamlıq Agentliyindən Joris Monens isə hələlik cəmiyyətdə meymun çiçəyi virusunun yayılmasından narahat olmaq üçün heç bir səbəb olmadığını deyib: “Xəstəlik qısa müddətli təmasla deyil, yalnız yaxın təmasla ötürülür. amma yenə də diqqətli olmalıyıq”.
Turan Oruc
Medianews.az