Media
Ukraynanın şimalında yerləşən və rusiyapərəst Lukaşenkonun prezident olduğu Belarus gözlənilməz addım atıb.
Medianews.az xəbər verir ki, Belarus prezidenti Aleksandr Lukaşenko Rusiyadan ölkəsinin ehtiyacı olduğu qədər silah aldıqlarını deyib.
O, S-400 hava hücumundan müdafiə raket sistemi və “İsgəndər” raketlərini Rusiyadan aldıqlarını ifadə edərək, “İndi ordumuz bu silahlarla tamam başqa bir orduya çevrilib”, – deyə açıqlama verib.
Beləliklə Ukraynanın şərqində və cənubunda Rusiya-Ukrayna müharibəsi davam edərkən, Belarus ordusunu rus raketləri ilə gücləndirib. Belarus lideri Lukaşenko bu detalları Minskdə Rusiyanın Nijeqorod vilayətinin qubernatoru Qleb Nikitinlə görüşündə açıqlayıb.
Rusiya prezidenti Vladimir Putinlə razılaşdıqlarını dilə gətirən Lukaşenko daha sonra bunları deyib: “Rusiyadan lazım olan sayda S-400 və İskəndər aldıq. Belarusun hərbi sahə də daxil olmaqla bir çox növ istehsal edən sənayesinin əsaslarını qoruyub saxladığını və inkişaf etdirdiyini qeyd edən Lukaşenko, “Putinlə raket istehsalı ilə bağlı danışıqlar apardıq. Onlar bizim qurduğumuz yeni raketləri mükəmməlləşdirməyə kömək edəcəklər. Biz əhəmiyyətli irəliləyiş əldə etmişik, lakin ruslarla birlikdə normal raketləri daha tez quracağıq”.
Bu istiqamətdə işlərin bir il çəkəcəyinə işarə edən Lukaşenko, daha sürətli fürsət olarsa ilin sonuna qədər İsgəndər raketlərini istehsal edə biləcəklərini qeyd edib.
Turan Oruc
Medianews.az
