Rusiya prezidenti Vladimir Putinin ailə həyatının təfərrüatlarını gizli saxladığı məlumdur. Dövlət xadiminin ailəsi ilə bağlı məlumatların niyə belə gizli qalması hələ də maraq doğurur.
Medianews.az xəbər verir ki, bir sıra ekspertlər bunun arxasında duran səbəbləri təhlil ediblər.
Vladimir Putinin bəzi müsahibələri bu mövzuda ekspertlərə ipucu verir. Oliver Stounun yayımladığı televiziya müsahibəsində Putin bəzi suallardan yayınsa da, sağlam və səmimi danışıb və verdiyi bir neçə açıqlamanın onun sirrini nümayiş etdirdiyi düşünülüb.
Aparıcının sualı ilə baba olduğunu təsdiqləyən Putin yaxşı baba olub-olmadığı və nəvələri ilə oynayıb-oynamadığını sualına da “Çox nadir hallarda olur”, -deyə cavab verib. Putin övladları ilə qürur duyduğunu da açıqlayıb.
Hudson İnstitutundan analitik Keysi Maykl etiraf edir ki, Putin yaxşı ailə adamıdır, lakin daha çox Rus Pravoslav Kilsəsində və ya hərbi vəziyyətlərdə görünmək və ya köynəksiz at belində gəzməkdə maraqlıdır: “O, gücünü əks etdirmək istəyir və ailə bir çox cəhətdən zəif cəhətdir deyə düşünür”.
Başqa bir analitik deyir ki, Putinin ailəsini diqqətdən kənarda saxlamaq üçün daha qaranlıq səbəbi var. “New Haven” universitetinin professoru Howard Stoffer bunları deyib: “O, ailəsi haqqında çox şey bilinirsə, başqasının ona bir şey etməsinə qarşı çarəsiz olmaq istəmir”.
Turan Oruc
Medianews.az