Qızıl və pul bazarları eksperti İslam Memiş bazarlarda dollardan başqa hər şeyin ucuzlaşmasının arxasındakı gerçəyi izah edib.
Medianews.az xəbər verir ki, məşhur maliyyə təhlilçisi bununla bağlı xəbərdarlıq edib.
Dollardan başqa hər şey bir anda çökdü. Sonradan toparlanmanın bəzi əlamətləri olsa da, bu yalnız başlanğıc ola bilər. Hadisələri təhlil edən qızıl və pul bazarı eksperti İslam Memiş bütün vətəndaşlara və investorlara xəbərdarlıq edib. Baş verənlərin arxasında mərkəzi bankların olduğunu bildirən Memiş, “Silkələmə əməliyyatı”nın başladığını açıqlayıb.
Dediklərinin investisiya tövsiyəsi olmadığının vurğulayan İslam Memişin çox əhəmiyyətli xəbərdarlıqları bunlardır:
“Heç kimin gözləmədiyi halda FES ciddi bir əməliyyat keçirdi. Silkələmə adlandırdığımız bu əməliyyatın bütün aktivlərdə çöküşə səbəb olduğunu müşahidə edirik. Xüsusilə kriptovalyutalarda, avro-dollar paritetində, digər valyutalarda və əmtəə qiymətlərindəki bu sürətli çöküşlə, Dollar indeksi sürətlə artaraq 104,64 olub. Dollar indeksi 105 səviyyəsinə gözünü dikib. Yəni dollar beynəlxalq bazarlarda bahalaşmaqda davam edir.
FED-in açıq-aşkar faiz artımı bəyanatları da digər riskli aktivlərdə sərt satışlara səbəb olub. Qlobal fond bazarlarında da kəskin enişlər müşahidə edirik”.
Ekspert FED-in insanların investisiyalarını oğurladığını bildirib:
“İnvestisiya alətlərini dollar qarşısında rəsmən əzmək siyasəti davam edir. Onlar rəsmi olaraq insanların investisiyalarını oğurlayırlar. Bu həftə çox böyük əməliyyat içərisindəyik. Aktivlərinizi qoruyun. Bu müvəqqəti tələlərə qarşı mövqeyinizi dəyişməyin. Edə biləcəyiniz heç nə yoxdur. , qlobal maliyyə sistemi çöküb. Sizlərə tövsiyyəm ciddi şəkildə aktivlərinizin qayğısına qalın”.
Turan Oruc
Medianews.az