Media
Yunanıstanda iqtidar-müxalifət arasında müzakirələrə səbəb olan və ictimaiyyətin etirazına səbəb olan ABŞ – Yunanıstan Qarşılıqlı Müdafiə Əməkdaşlıq Müqaviləsinə (MDCA) edilən düzəlişlər Yunanıstan parlamentində təsdiqlənib.
Medianews.az xəbər verir ki, Yunanıstanın baş naziri Kiryakos Mitsotakisin ABŞ-a səfərindən əvvəl parlamentdə təsdiqlənən razılaşma ABŞ-a Yunanıstanda biri dəniz bazası olmaqla ümumilikdə 4 hərbi baza açmağa icazə verir.
Mitsotakis parlamentdəki çıxışında müqavilənin ölkəni təhlükəsizlik təhdidlərindən qoruduğunu, hərbi obyektlərin təkmilləşdirilməsinə imkan verəcəyini və Rusiyanın işğalından sonra bölgənin enerji mərkəzinə çevrilmiş Yunanıstan üçün etimad səsverməsi olduğunu bildirib.
“Ratifikasiyaya çağırdığımız (sazişin) mətn yeni bir reallığı ortaya qoyur. ABŞ Şərqi Aralıq dənizində mövcudluğunu genişləndirir və ölkəmiz ABŞ-ın regionda ən bariz tərəfdaşı və həmsöhbətinə çevrilir”, -deyə Ukrayna tərəfi əlavə edib.
Qeyd edək ki, ilk dəfə 1990-cı ildə imzalanan saziş ABŞ-a Yunanıstan torpaqlarında təlim və əməliyyatlar keçirməyə icazə verir.
Beş il müddətinə qüvvədə olacaq saziş ABŞ-a Yunanıstanın mərkəzi və şimal bölgələrində iki hərbi baza və Krit adasında 1 hərbi dəniz bazası da daxil olmaqla 4 hərbi baza quraraq mövcudluğunu artırmağa imkan verir.
ABŞ dövlət katibi Antoni Blinken isə müqaviləni Yunanıstan və ABŞ arasında müdafiə sahəsində əməkdaşlığın “məhək daşı” kimi qiymətləndirib.
Xatırladaq ki, Mitsotakisin mayın 16-da ABŞ-a səfəri və Ağ Evdə ABŞ prezidenti Co Baydenlə görüşü planlaşdırılır. Mitsotakis və Baydenin Ukrayna-Rusiya müharibəsi, enerji böhranı və Aralıq dənizindəki hadisələri müzakirə edəcəyi gözlənilir. Bildirilir ki, Mitsotakis mayın 17-də ABŞ Konqresində də çıxış edəcək.
Leyla
