Media
Müdafiə Qüvvələrinin komandanı general-leytenant Serhiy Naev şimal-şərq, şərq və cənub-şərq əməliyyat zonalarında Ukraynanı müdafiə edən qoşun qruplaşmalarının döyüş tapşırıqları yerinə yetirdiyi ərazilərə baş çəkib.
Bizimyol.info xəbər verir ki, onun sözlərinə görə, hazırda müvafiq müdafiə qrupları tərəfindən döyüş tapşırıqlarının yerinə yetirildiyi ərazilərdə vəziyyət çətin olaraq qalır, lakin Ukrayna Silahlı Qüvvələri tərəfindən mübarizə inamla davam etdirilir.
“Düşmən hər gün batalyon və taktiki qrupları ilə müdafiə mövqelərimizə hücum edir, həmçinin əlində olan bütün atəş silahları ilə ərazilərimizi atəşə tutulub”, – deyə Naev vurğulayıb.
Komandirin sözlərinə görə, xüsusilə Xarkov istiqamətində Ukrayna bölmələri taktiki vəziyyəti yaxşılaşdırır. Svatovski, Popasnyanski və Donetsk istiqamətlərində düşmən əvvəlcədən topladığı çoxsaylı qüvvələrlə müdafiəmizi yarıb Luqansk və Donetsk vilayətlərinin inzibati sərhəddinə çatmağa çalışır.
Ön cəbhədə olduğu müddətdə komandir şəxsən əmin olub ki, hərbçidən tutmuş generala kimi bütün hərbi qulluqçular silahlı təcavüzü dəf etmək üçün onlara tapşırılan vəzifəni layiqincə yerinə yetirirlər.
“Mübaliğəsiz, bütün xalq düşmənin silahlı təcavüzünə müqavimət göstərmək üçün sıraya durub. Bu, ümumi qələbəyə öz töhfəsini verən azad dövlətin hər bir vətəndaşı üçün yüksək ləyaqət və böyük şərəfdir. Bu qədər müqavimət gücü yüksək olan ordu heç bir düşmən qarşısında yenilməz. Biz qəhrəman hərbçilərimizin üç aya yaxın müddətdə göstərdikləri igidliklərə istinad edərək inanırıq ki, Ukrayna bütün ərazilərini işğaldan azad edəcək. Biz ərazilərimizi qoruycaq gücə və iradəyə sahib orduyuq”, – deyə general-leytenant vurğulayıb.
