Media
Rusiya Prezidentinin mətbuat katibi Dmitri Peskov Rusiya Federasiyasının mayın 9-da Ukraynaya genişmiqyaslı müharibə elan edə biləcəyi ilə bağlı xəbərlərə aydınlıq gətirib.
Kremlin sözçüsü bu məlumatları cəfəngiyat adlandırıb.
Jurnalistlərin “Rusiya Prezidenti Vladimir Putinin mayın 9-da Ukraynaya müharibə elan etməsi ehtimalı nə qədərdir” sualını cavablandıran Peskov deyib: “Xeyr. Biz bu suala artıq cavab vermişik. Bu, cəfəngiyatdır”.
D.Peskov mayın 9-da Rusiya Federasiyasında ümumi səfərbərlik elan ediləcəyi ilə bağlı xəbərləri də təkzib edib.
Media nümayəndələrinin “Qərb mətbuatının mayın 9-da Rusiya rəhbərliyinin Ukraynada xüsusi hərbi əməliyyat keçirməklə bağlı müəyyən qərar qəbul edə biləcəyi və hətta Rusiya Federasiyasında səfərbərlik elan edə biləcəyi ilə bağlı xəbərlərini dinləməyə dəyərmi” sualına Peskov belə cavab verib: “Xeyr, buna dəyməz. Bu, doğru deyil, cəfəngiyatdır”.
