Ötən ay Fransada keçirilən seçkilərlə yenidən prezident olan Emmanuel Makron çətin anlar yaşayır.
Medianews.az xəbər verir ki, fransalı deputatın şəxsi xərclərini vergi ödəyicilərinin pulu ilə xərcləməsi ölkəni bir-birinə qatıb.
Belə ki, Makronun partiyasından olan Montpelyenin deputatı 39 yaşlı Korali Dubost ayda 2 min avro təşkil edən alt paltarı və geyim xərclərini parlamentin xərci kimi göstərərək heç bir ödəniş etməyib.
İttihamlardan sonra araşdırmalar başlasa da, Dubost iddialar üzə çıxdıqdan sonra vəzifəsindən istefa vermək qərarına gəlib. Bu istefa prezidentliyi qazanan və yaxın aylarda keçiriləcək parlament seçkiləri öncəsi parlamentdə çoxluğu təmin etmək istəyən Makrona ağır zərbə olub.
İş dünyası və akademiya tərəfindən yaxşı tanınan Dubost Fransanın ən şık siyasətçilərindən biri kimi tanınırdı.
“Düşünürəm ki, siyasi həyatı tərk edib özümü ailəmə həsr etməyin vaxtıdır. Son zamanlar haqsız hücumların hədəfinə çevrilmişəm”,-deyə fransalı deputat açıqlama verib.
Fransanın səhiyyə naziri Olivye Veran ilə iki illik münasibətini ötən il bitirən Dubost mövzu ilə bağlı bunları deyib: “Mən axmaqlıq eləmişəm, amma yalan danışmamışam. Parlamentdə geyindiyim paltarla şəxsi həyatımda geyimim fərqlidir. Şəxsi həyatımda və iş dünyasında eyni paltarı geyinmirəm”.
Turan Oruc
Medianews.az