Media
1945-ci ildə Sovet İttifaqının nasistləri məğlub etdiyi gün 9 May Rusiyada və keçmiş SSRİ ölkələrində Qələbə Günü kimi qeyd olunur.
Medianews.az xəbər verir ki, bu il Qazaxıstan mayın 9-da paytaxt Nur Sultanda hərbi paradın keçirilməyəcəyini açıqlayıb.
Bu vəziyyətə reaksiya verən Rusiyanın dövlət mediası Sputnik-in baş redaktoru Simonyanın həyat yoldaşı jurnalist Tiqran Keosayan “Ukraynaya diqqətlə baxın” deyərək Qazaxıstanı hədələyib.
İkinci Dünya Müharibəsinin sonunda Almaniyanın Sovet İttifaqına qeyd-şərtsiz təslim olmasını imzaladığı gün 9 May illərdir Qələbə Günü kimi qeyd olunur. SSRİ dağılandan sonra da keçmiş sovet ölkələrinin xalqları bu günü qeyd etməyə davam edirdilər.Lakin builki şənliklər Qazaxıstanın qərarı ilə yadda qaldı. Qazaxıstanın paytaxtı Nur Sultanda mayın 7 və 9-da hərbi paradların planlaşdırılmadığı açıqlanıb. Nazirlik mərasimlərin niyə ləğv edilməsi ilə bağlı heç bir açıqlama verməyib.
Bu baş verənlərdən sonra Putinə yaxınlığı ilə tanınan, Rusiyanın dövlət mediası Sputnik-in və RT-nin baş redaktoru Marqarita Simonyanın yoldaşı jurnalist Tiqran Keosayan diqqətçəkən açıqlamalar verib, Qazaxıstanı nankorluqda ittiham edib. Keosayan “Ukraynaya diqqətlə baxın” deyərək Qazaxıstanı hədələyib.
Turan Oruc
Medianews.az
