Rusiya ilə Ukrayna arasında müharibə davam edərkən rus oliqarxları ilə bağlı baş verənlər dünyanın gündəmini zəbt etməkdə davam edir.
Keçmiş Kreml rəsmisi və Qazprombankın vitse-prezidenti Vladislav Avayevin həyat yoldaşı və qızı ilə birlikdə Moskvadakı evində ölü tapılmasından sonra İspaniyadan daha bir ölüm xəbəri gəldi.
Medianews.az xəbər verir ki, Rusiyada Putinə yaxınlığı ilə tanınan Vladislav Avayevin evində hamilə arvadı və qızı ölmüş halda tapıldıqdan sonra digər rusiyalı oliqarx Sergey Protosenya İspaniyada ölü tapılıb.
Protosenyanın 53 yaşlı həyat yoldaşı və 18 yaşlı qızı Mariya da dəbdəbəli villada ölü tapılıb. Ailənin balta ilə öldürüldüyü müəyyən edilib.
Sergey Protosenya 440 milyon dolları keçən sərvəti ilə Rusiyanın ən mühüm iş adamlarından biri kimi tanınır. Ailənin ölü tapılmasından sonra müstəntiqlər əraziyə gedib və hadisənin qətl, yoxsa intihar olduğunu müəyyən etmək üçün işə başlayıb.Polis qrupları ailənin balta ilə öldürüldüyünü təsbit edib. Protosenya və ailəsinin cansız cəsədləri polislər tərəfindən aşkar edilib.
Belə ki, ailənin Fransa yaşayan oğulları valideynləri ilə əlaqə qura bilmədiyi üçün polisə məlumat verib.. Bundan sonra polislər həmin evə gedib. Hadisə yerinə gələn polis əməkdaşları üç meyit tapıblar: ikisi otaqda, biri isə bağda olub.
Məlumatlarda qeyd olunur ki, ailə Pasxa bayramı üçün İspaniyaya gəlibmiş.
Turan Oruc
Medianews.az