Yeni kəşf bu günə qədər olan planetlərin yaranması haqqda məlum təsəvvürləri dəyişir.
“The Guardian” qəzetinə istinadən xəbər veririk ki, yeni yaranmaqda olan planet Yupiterdən 10 dəfə böyükdür və formalaşmasının ilkin mərhələsindədir.
Araşdırmaçılar “AB Aurigae b” adlanan planeti Havai zirvəsindəki Subaru və Hubble kosmik teleskopu vasitəsilə kəşf ediblər və hazırda nəhəng qaz burulğanı eyni teleskoplar vasitəsilə müşahidə edilir.
Subaru teleskopu mərkəzinin əməkdaşı astrofizik Çeyn Kuri (Thayne Currie) bildirir ki, planet öz doğuluşunun ilkin mərhələsindədir. Onun iki milyon il yaşı var.
Planetləri formalaşdıran qaz və tozdan ibarət proses Yer planetindən 508 işıq ili uzaqlığındadır. Yeni kəşf edilən ulduz 2021-ci ilin “Dont look up” filmində də təsvir olunub.
Planet bizim Günəş sistemindən kənarda tapılan 5000 planetdən ən böyüyüdür və onun formalaşması prosesi bizə məlum olan standart planet formalaşması prosesindən fərqlidir.
“Təbiət ağıllıdır, o, istənilən formada planet yarada bilər”, – Kuri deyir.
Bütün planetlər dairəvi disk hərəkəti nəticəsində formalaşan materiallardan yaranır. Planetlərin yaranması ilə bağlı əsas nəzəriyyə “özək yığılma” adlanır. Bu nəzəriyyəyə əsasən, planetlər toz və kiçik daş-qaya hissələrinin ulduz ətrafında hərəkəti və toqquşması zamanı bir yerə yığılmasından yaranır. Yeni yaranmış planet isə ulduz ətrafında nəhəng diskin soyuması və cazibə qüvvəsi nəticəsində dağılmasından yaranıb.