İstanbulda küçənin ortasında qonşusunu öldürən şəxs evə gələrək həyat yoldaşını da öldürüb, daha sonra intihar edib.
Medianews.az Türkiyə mətbuatına istinadən xəbər verir ki, arvadını və qonşusunu öldürən şəxs ağır xəsarətlərlə xəstəxanaya çatdırılıb.
Xəstəxanaya aparılan şəxs bütün müdaxilələrə baxmayaraq həyatını itirib. Onun küçədə güllələdiyi qonşusu və arvadı da hadisə yerində keçinib. Yaşadığı məhəllədə inşaat mağazasında işlədiyi öyrənilən Ramazan Onat ortada mübahisə etdiyi qonşusu Əhməd Kadir Çakırı güllələyərək öldürüb. Ramazan Onat qonşusu Ahmet Kadir Çakıra atəş açdıqdan sonra maşınına minərək 500 metr aralıdakı evinə gəlib. Qapını açan həyat yoldaşı Gülşen Onatı da atəş açaraq öldürən və qəzəbli ər qonaq otağına keçərək intihar edib.
Məhəllə sakinlərinin məlumat verməsindən sonra hadisə yerinə çox sayda polis və təcili tibbi yardım gəlib. Polislər ətrafda tədbir görərkən, hadisə yeri araşdırma şöbəsi qrupları növbətçi orada araşdırma aparıb. Müayinədən sonra meyitlər morqa aparılıb.
Hadisə zamanı Ramazan-Gülşen cütlüyünün uşağı olduğu və uşağın evdə yatdığı öyrənilib. Güllə səsləri ilə ünvana daxil olan qonşular uşağı götürərək çölə çıxarıblar.
Öldürülən Gülşen Onatın rəsm müəlliməsi, qonşu Ahmet Kadir Çakırın isə Metris Həbsxanasında gözətçi olduğu öyrənilib. Qətlin hansı səbəbdən baş verdiyi isə hələlik açıqlanmayıb. Lakin qətlin xəyanətə görə baş verdiyi iddia edilib.
Turan Oruc
Medianews.az