Rusiya və Ukrayna nümayəndə heyətlərinin İstanbul görüşünə qatılan rusiyalı oliqarx Roman Abramoviçin zəhərləndiyi iddiası gündəmi zəbt edib.
Medianews.az xəbər verir ki, bu iddialar Rusiya mətbuatında yayıldıqdan sonra Kremldən xəbərdarlıq gəlib.
Danışıqlarda Abramoviçin əsas rol oynadığına dair təsəvvürləri ortadan qaldırmaq istəyən Putin iş adamı ilə bağlı xəbərlərin yayılmamasını əmr edib.
Danışıqlarda iştirak edən “Çelsi” futbol klubunun sahibi, rusiyalı oliqarx Roman Abramoviçin də olması diqqət çəkib. İki ölkə arasındakı danışıqlarda kritik rol oynadığı iddia edilən Abramoviç danışıqları yaxından izləyib. Abramoviçin İstanbuldakı görüşdən sonra zəhərləndiyi, hətta görmə qabiliyyətini itirdiyi, daha sonra Ankarada müalicə olunduğu iddia edilirdi. Bu hadisələr Rusiya mətbuatında da geniş işıqlandırılıb. Amma Rusiya mətbuatına Kremldən xəbərdarlıq gəlib.
Putinin mətbuat katibi Dmitri Peskov Abramoviçin zəhərlənməsi ilə bağlı iddiaların həqiqətə uyğun olmadığını deyib. Peskov Abramoviçin Britaniyanın ona yazığı gəlsin deyə belə bir yalanı nortaya atmış ola biləcəyini bildirib.
Onu da qeyd edək ki, Rusiya-Ukrayna müharibəsində iki gün öncə nümayəndə heyətlərinin İstanbulda bir araya gəlməsi səbəbindən böyük irəliləyiş qeydə alınıb. Danışıqlardan sonra Rusiya tərəfinin Kiyev və Çerniqov ətrafında hərbi əməliyyatlarını azaltması qərara alınıb.
Turan Oruc
Medianews.az