Media
“Hörmətli media vasitələrində təmsil olunan jurnalistlər, redaktor və sosial şəbəkələrdə aktiv olan bloger və qardaş, bacılarımıza səslənirəm. Azərbaycan Prezidenti cənab İlham Əliyev Qarabağ və ya Şərqi Zəngəzur iqtisadi rayonuna səfərlərində, çıxışlarında dəfələrlə bildirib ki, “Dağlıq Qarabağ“ ifadəsi yoxdur”.
Bu sözləri Nəqliyyat məsələləri üzrə ekspert Aslan Əsədov Medianews.az-a açıqlaması zamanı bildirib.
Onun sözlərinə görə, bir çox mənbələrdə Fərrux kəndi ilə bağlı yanlış məlumatlar yer almaqdadır:
“Bilirsiniz ki, Azərbaycan Respublikasının yeni idarə etməsində, rayonlaşma islahatı aparılıb. Prezdent İlham Əliyev tərəfindən 7 iyul 2021-ci ildə təsdiq olunan və imzalanan fərmana görə, yeni Qarabağ və Şərqi Zəngəzur iqtisadi rayonları yaradılıb. Bu islahatlarda dəyişiklər baş verməyib kəndlər və şəhərlər tabe olduqları rayon mərkəzləri, şəhər, qəsəbə kənd kimi statuslarla yerində qalır. İstinad edərkən mövcud rayonun kəndi ilə məsafəsi km-lə düzgün göstərilməlidir. Ordumuzun yeni diskolasiya və yerdəyişməsi olan zaman rayon mərkəzi adı qeyd olunmalıdır.
Ekspertin sözlərinə görə, Fərrux kəndi bir çox mənbələrdə rayon mərkəzindən 16 km məsafədə göstərilir. Bu isə köhnə məlumatdır:
“Çünki orada rayon mərkəzi Əsgəran rayonu kimi göstərilir. Düzgün olan isə odur ki, Fərrux kəndi Xocalı rayonuna tabedir və rayon mərkəzindən 24 km məsafədə yerləşir.
Bu kimi yalnışlıqlar adətən bilməyərəkdən baş verir.
Onun üçün də mövcud məsafələri təqdim edirəm:
Xocalı-Fərrux 24 km
Xocalı-Xankəndi 8 km.
Xocalı-Əsgəran qəsəbəsi 16 km.
Əsgəran qəsəbəsi-Fərrux kəndi 16 km.
Ağdam-Şuşa 62 km
Xankəndi-Şuşa 14 km
Ağdərə-Tərtər 18 km
Xocalı-Bakı 375 km
Xocavənd-Bakı 334 km
Xankəndi-Bakı 329 km
İşğaldan azad olunan yüksəkliyin, dağın, dərənin, hər qarış torpağın dəyəri bizim üçün yüksəkdir”.
Leyla
Medianews.az
