Rusiyanın 29-cu gündə işğalını davam etdirdiyi Ukraynadan işgəncə görüntüləri sosial mediada böyük əks-səda yaratmağa davam edir.
Medianews.az xəbər verir ki, bəzi ehtiyatda olan ukraynalı hərbçilər küçələrə çıxaraq aralarında qadın və uşaqların da olduğu xeyli sayda mülki vətəndaşı dirəklərə bağlayaraq işgəncələr verdiyi iddia edilib.
Bəzi görüntülərdə birdən çox adamın eyni dirəyə bağlanaraq qan içində olduğu görülüb. Ölkənin müxtəlif bölgələrində talançılarla yanaşı, sosial şəbəkələrdə Rusiyaya dəstək veərən və ya satqın olmaqda ittiham olunan insanlara qarşı işgəncə iddiaları da artır.
Britaniyanın “Daily Mail” qəzeti daha əvvəl müharibədən istifadə edən talançıların və dirəyə bağlanan cinayətkarların görüntülərini paylaşmışdı. Bununla belə, sosial mediada paylaşılan bəzi milliyətçi qrupların qadın və uşaqlar da daxil olmaqla bir çox mülki şəxsi dirəklərə bağlayaraq işgəncə verdiyini göstərən görüntülər tənqidlərə səbəb olub.
Telegram-da paylaşılan mesajlarda ölkədə açıq və məhkəməsiz edamların sürətlə artdığı, zərərçəkənlər arasında rusiyapərəst olmaqda ittiham olunanların da olduğu bildirilib. Ölənlər arasında Rusiyaya qarşı döyüşmək istəməyən kişilərin də olduğu iddiaları var.
Turan Oruc
Medianews.az