“Plov”üçün Qobustana getməyə dəyərdi

Qobustan Milli Tarix-Bədii Qoruğunda “Plov” festivalı keçirilib

Martın 21-də Qobustan Milli Tarix-Bədii Qoruğunda “Plov” festivalı keçirilib.

Medianews.az bildirir ki, Novruz bayramı adət-ənənlərinin təbliği və bayram ərəfəsində qoruğa gələn ziyarətçilərə Azərbaycan mətbəxinin şahı hesab edilən, eləcə də, bir sıra ölkələrin mətbəxində əhəmiyyətli yer tutan plovun müxtəlif növləri təqdim olunub.

Tədbir meydanında qurulan çadırlarda Azərbaycanın, həmçinin Hindistan, Qətər və digər bir sıra ölkələrin mətbəxinə aid plov nümunələri bişirilərək tədbir iştirakçılarına paylanılıb, bayram tonqalı yandırılıb.
Həmçinin Azərbaycan Dövlət Kukla Teatrının aktyorlarının ifasında səhnəciklər, pəhləvan və kəndirbazların çıxışları, uşaqlar üçün kəndirdartma oyunları, musiqiçilərin təqdimatında konsert proqramı keçirilib. Bundan başqa, uşaqların əl işlərindən ibarət rəsmlər sərgilənib.

Festival çərçivəsində əl işlərinin və suvenirlərin satış yarmarkası da təşkil olunub.

Xəyalə Rəis

Medianews.az