Media
Ukrayna prezidenti Volodimir Zelenski müharibəyə qoşulmaq istəyən muzdlu əsgərlərə çağırış edib.
Metbuat.az xəbər verir ki, bu barədə prezident “Telegram” hesabında paylaşdığı videomüraciətdə danışıb. Rusiya-Ukrayna müharibəsinin 22-ci gününü dəyərləndirən Zelenski Rusiyanın muzdlu əsgərləri savaşa cəlb etməyə çalışdığını qeyd edərək onlara çağırış edib:
“İndi isə hər kəsə, Ukrayna ərazisində işğalçılara qoşulmağa cəhd edəcək hər kəsə xəbərdarlıq edirəm. Bu, sizin ən pis qərarınız olacaq. Çox yaşamaq sizə təklif olunan puldan yaxşıdır”, – deyə o qeyd edib.
Minlərlə rus əsgərinin əsir düşdüyü, 13 mindən çox əsgərin öldüyünü məlumatını paylaşan Zelenski, rus ailələrinə də səslənib: “Biz bu müharibəni istəmirik. Biz sadəcə sülh istəyirik”.
