Media
NATO mütəxəssisləri Putinin gizli silahını Ukrayna ilə müharibədə nümayiş etdirdiyini bildirib.
AZXEBER.COM xəbər verir ki, “New York Times” bununla bağlı geniş yazı ilə çıxış edib.
Məlumata görə, Rusiyanın Ukraynaya hücumunun davam etdiyi bir vaxtda Rusiya Fedarasiyasının Prezidenti Vladimir Putinin gizli silahları ilk dəfə nümayiş etdirilib.
ABŞ mənbələri sözügedən mexanizmin atılan raketlərin hava hücumundan müdafiə sistemlərindən qaçmasına imkan verdiyini açıqlayıb.
ABŞ kəşfiyyat rəsmisinin sözlərinə görə, “İskəndər-M” qısa mənzilli ballistik raketlərinin tərkibində hava hücumundan müdafiə sistemlərindən yayınmaq üçün nəzərdə tutulmuş, müdafiə sənayesinə məlum olmayan naməlum proqramlaşdırılmış hiylə var.
Məhz buna görə də, raketlərin bir çoxu hava hücumundan müdafiə sistemləri tərəfindən məhv edilə bilmir. Ekspertin sözlərinə görə, hiylə proqramları ilə təmin edilən “İskəndər-M”lər daha öncə heç bir müharibədə istifadə edilməyib.
Buna görə də, Rusiya ordusunun 500 kilometrə qədər əsas hədəfləri vurmağa, böyük binaları və bəzi möhkəmləndirilmiş obyektləri dağıtmağa qadir olan daha güclü döyüş başlığı daşıyan “İskəndər” raketlərindən istifadə etdiyi irəli sürülüb.
Britaniya Ordusunda 22 il partlayıcı maddələrin zərərsizləşdirilməsi üzrə zabiti, 10 il İraqda, Afrikada və başqa yerlərdə mülki bomba texniki kimi xidmət edən Riçard Stivens isə bu vaxta qədər belə bir texnika ilə qarşılaşmadığını deyib:
“Çin və Rusiyanın çoxsaylı hücumlarının şahidi olmuşam, lakin belə bir döyüş sursatı heç görməmişdim”.
Qeyd edək ki, Rusiya bu silahdan istifadə etdiyini inkar etməyib.
