Media
Rusiyanın Ukraynaya hərbi təcavüzü təkcə bu iki ölkəyə təsir etməyib. Onların sıx ticarət əlaqələri qurduqları dövlətlərə bu və ya digər dərəcədə təsirsiz ötüşməyib. Bu, ilk növbədə MDB ölkələrinə, xüsusən də Azərbaycana aiddir. Bəzi daxili seqmentlərə, məsələn, tikinti sahəsinə bu münaqişə artıq təsir göstərməyə başlayır.
İqtisadçı Nemət Əliyev Medianews.az saytına açıqlaması zamanı bildirib ki, Rusiya hər təfədən ağır sanksiyalara məruz qaldığı üçün öz aləmində özünə dost bilmədiyi ölkələrdən bunun əvəzini çıxmağa çalışır.
“Azərbaycana tikinti materiallarının böyük hissəsi Rusiyadan gətirilir. Xüsusilə də mebel, tikinti sahəsində istifadə olunan ağac materilları. Heç şübhəsiz ki, bu, daxili bazarda tikintinin bahalaşması anlamına gələcək.
Rusiyanın təsir göstərə biləcəyi sahələrdən biri də tikinti materiallarıdır. Yəqin ki, tikinti materillarının ixracına tam məhdudiyyət qoymazlar və qiymət artımı ilə işlərini bitmiş sayarlar”.
İqtisadçının sözlərinə görə, Rusiyanın SWIFT-dən ayrılması Rusiya ilə ticarət sövdələşməsi həyata keçirdən ölkələr arasında hesablaşmalarda çox ciddi məhdudiyyətlər yaradır.
“Tutaq ki, Rusiya bu gün tikinti materialı, buğda və s. qida, qeyri-qida məhsullarının hansısa ölkə ilə alqı-satqısını həyata keçirən zaman hesablaşmaları yerinə yetirmək mümkün deyil. İndiki şəraitdə ayıq olan ölkələr ticarət tərəfdaşlarını saf-çürük etmək məcburiyyətindədirlər. Yəni, ölkələr çalışacaqlar ki, ticarət tərəfdaşının o biri başında Rusiya dayanmasın. Çünki Rusiyadan həyata keçirilən alqı-satqıların pul ödəmə imkanları məhdulaşıb. Yaranmış şərait bunu diktə edir ki, onlar başqa ölkələri özlərinə tərəfdaş seçsinlər”.
Leyla
Medianews.az
