Media
“Filankəsin oğlu həkimdir. Qaz vurub, qazan doldurur. Sən də həkim olmalısan”. Azərbaycan reallığında böyüyən uşaqlara bu fikirlər çox tanışdır. Bu, bir çox ailələrdə yetkinlik yaşına çatmış, ali təhsil almaq üçün özünə istiqamət seçmək istəyən gənclərimizin rastlaşdığı acı reallıqdır.
Lakin çox qürurverici haldır ki, cəmiyyətimizdə elə ailələr də var ki, övladının fikrinə hörmək edir, onun özünü görmək istədiyi peşəyə yiyələnməsinə dəstək olurlar. Bu ailələrdən birində böyümüş və peşə seçimi ilə həyatını tamamilə dəyişmiş bir xanımla sizləri tanış etmək istəyirəm.
Müsahibimiz Gülnarə Ələsgərlidir. O, əslən Gədəbəy rayonundan olsa da, Bakı şəhərində dünyaya göz açıb və böyüyüb. Gülnarə xanım, uşaqlıqdan bəri xəyalını qurduğu peşədə çalışır. O, evindən, ailəsində km-lərlə uzada yerləşən, Salyan rayon Xalac kəndində T.Şirinov adına 2 saylı tam orta məktəbdə Azərbaycan dili və Ədəbiyyat müəllimi işləyir.
Medianews.az müsahibəni təqdim edir:
– Gülnarə xanım, neçənci ildən Salyan rayon Xalac kəndində T.Şirinov adına 2 saylı tam orta məktəbdə çalışırsınız?
– 2016-cı ildə MİQ imtahanı verdim və ailəmlə birgə qərar verdim ki, siyahıya Salyan rayonunu yazaq. Buna səbəb isə o idi ki, kənd məktəbində işləmək həmişə mənim üçün maraqlı gəlirdi.
– Kənd məktəbində işləmək, ailənizdən uzaqda qalmaq çətin olmadımı?
– Tanımadığım yerə gəlmək, burada qalmaq, işləmək əvvəl mənim üçün çətin oldu. Lakin məktəbə gələndə, uşaqları görəndə dərs keçmək üçün həvəslənirdim. İlk iş yerim idi. Həm çox həyəcanlı, həm də çox sevincli idim.
Artıq 6 ildir ki, həmin məktəbdə işləyirəm. Lakin yenə də həmin hislərlə məktəbə gedirəm. Şagirdlərimə dərs keçmək, onlara nəyisə öyrətmək məni çox sevindirir.
– Kənd məktəbi ilə şəhər məktəbini fərqləndirən cəhədlər nələrdir?
– Kənd məktəbi ilə şəhər məktəbinin ilk fərqi onlar arasındakı şəraitdir. Çünki burada elektron lövhələr, isti otaqlar yoxdur.
-Bəs sizi bu kənd məktəbinə bağlayan nə oldu?
-Uşaqların saflığı, onların isti münasibəti, kənddəkilərin mənə hər işimdə kömək olmaları, gözəl kollektiv içərisində dərs keçmək məni burda qalmağa məcbur etdi. Düşürəm ki, bunlar olmasa idi yəqin ki burda qala bilməzdim.
– Bildimizə görə, həyat yoldaşınızla da işlədiyiniz kənddə tanış olub, ailə qurmusunuz. Heç düşünərdinizmi ki, hansısa kəndə dərs deməyə gedəcəksiniz və həyat ortağınız da məhz həmin kənddə qarşınıza çıxacaq?
– Düzü bu heç vaxt ağlıma gəlməzdi. Gəldiyim ilk gündən demişdim ki, bura sadəcə iş üçün gəlmişəm. Lakin mən bunları deyərkən həyat öz işini görürmüş. (gülür)
Təsadüfən onunla kənddə tanış oldum. Onu tanıdıqdan sonra burada qalmağın heç də pis fikir olmadığını anladım. Bu isə müəllim yoldaşlarımın lap ürəyindən oldu. Çünki onlar mənim nə zamansa buradan getməyimi heç istəmirdilər.
– Kənd sakinləri, şagirdlərinizin münasibəti sizə qarşı necədir?
6 ildir ki, Xalac kəndində işləyirəm və artıq tanınmış müəllimlərdən biriyəm.
Üniversitetə uşaqlar hazırlayıram, məktəbimizdən şagirdlərim olimpiyada yarışlarında iştirak ediblər. Onların uğurları məni çox sevindirir.
Leyla
Medianews.az
