Media
Rusiya-Ukrayna müharibəsinin 18-ci günündə yeni bir iddia dünyanı dəhşətə gətirib.
Dünya ictimaiyyəti qarşısında işğala haqq qazandırmaq üçün hərəkətə keçən Rusiyanın “atom elektrik stansiyası” əməliyyatı ilə bağlı saxta sübutlar topladığı və ukraynalıların cəsədlərini topladığı iddia edilib.
Medianews.az xəbər verir ki, Ukrayna hakimiyyəti Rusiyanın işğalın ilk günündə Çernobıl Atom Elektrik Stansiyasına dair dəhşətli planının olduğunu açıqlamışdı.
Vladimir Putin davam edən münaqişəyə haqq qazandırmaq və daha da gərginləşdirmək üçün Ukrayna əsgərlərini ittiham etməyi planlaşdırdığı halda, Rusiyanın Çernobıl nüvə obyektinə “yalançı bayraq” hücumu həyata keçirmək üçün Ukrayna əsgərlərinin cəsədlərini yığdığı deyilir.
“Ölmüş Ukrayna əsgərlərinin cəsədlərini toplayan rus “avtomobil soyuducuları” Hostomeldə Antonov hava limanı yaxınlığında görünüb. Onların “Çernobıl zonasında həlak olan diversantlar” kimi təqdim oluna bilməsi ehtimalı var”, – məlumatda deyilir.
Digər tərəfdən, sözügedən zavodun texniki işçiləri Rusiya işğalçı əsgərləri tərəfindən silah altında saxlanılarkən, onlar gecə-gündüz obyektin mühafizəsi üçün də çalışırlar.
Ukraynanın ən gənc deputatı və prezident Volodimir Zelenskinin keçmiş müşaviri Svyatoslav Yurah BBC Radio 4-ün Today proqramına iddialarla bağlı bunları deyib: “Əgər onlar bunu etmək istəyirlərsə, bu, onların Stalinqradıdır”.
Milyonlarla ukraynalı Rusiya qüvvələrinin bombardmanlarından xilas olmaq üçün müharibə başlayandan bəri Polşa, Slovakiya və Moldova kimi qonşu ölkələrə getməli olub.
BMT-nin məlumatına görə, müharibə başlayandan martın 10-a kimi Ukraynada 549 mülki vətəndaş ölüb, yaralıların sayı isə 957-yə çatıb. Ölənlərdən 26-sı uşaqdır.
Turan Oruc
Medianews.az
