Media
Bloger olduğu iddia edilən ukraynalı qadının yeni fotosu ….
Çərşənbə günü Ukraynada doğum evinin Rusiya ordusu tərəfindən atəşə tutulması zamanı yaralanan qadının Veronika adlı qızı dünyaya gəlib.
Medianews.az xəbər verir ki, həmin qadın çərşənbə günü atışmadan sonra xəstəxananı tərk edib.
Belə ki, doğuş ərəfəsində övladını dünyaya gətirən ana Rusiyanın hava hücumu nəticəsində xəstəxanadan qaçmalı olub.
O, cümə günü Mariupolda başqa bir xəstəxanada qızı Veronikanı dünyaya gətirib. Övladını dünyaya gətirdikdən sonra görüntüləri yayılan qadın yenidən gündəmə gəlib.
Mərmi səsləri altında dünyaya gələn uşağın sağlamlığında heç bir problem olmadığı da açıqlanıb. Qeyd edək ki, xəstəxanaya hücum zamanı oradan qaçmağa çalışan qadın xəsarət almışdı. Rusiya hərbçilərinin sözügedən 2 saylı doğum evinə endirdiyi hava zərbəsi nəticəsində ümumi olaraq 17 nəfər yaralanmışdı.
Əlavə olaraq onu da bildirək ki, ukraynalı sosial şəbəkə istifadəçiləri sözügedən şəkildə yer alan qadının bloqer-model Marianna Podqurskaya olduğunu bildiriblər.
Lakin xəstəxanada bu adda qadının rəsmi qeydiyyatı olmadığı da açıqlanıb.
Rusiya mediası isə iddia edir ki, həmin xəstəxana bir müddət əvvəl təxliyə olunub və son zamanlar “Azov” batalyonunun döyüşçüləri tərəfindən istifadə olunub. Belə ki, Rusiya KİV-ləri xəstəxanadan hamilə qadının təxliyəsinin və fotosunun qurama olduğunu bildiriblər. Qeyd olunub ki, o, həqiqətən hamilə olsa da, həmin vaxt doğum evində ola bilməzdi.
Digər sosial şəbəkə istifadəçiləri isə görüntülərin real olduğunu bildirir. Belə ki, foto ilə yanaşı, həmin gün xəstəxanadan yayılan digər kadrlar, hamilə qadınların videoları fakt kimi şərh olaraq paylaşılıb. Bildirilib ki, o gün Marianna ilə yanaşı, bir neçə hamilə qadın xəstəxanadan təxliyə edilib. O, sadəcə məşhur olduğu üçün fotosu sosial şəbəkələrdə müzakirələrə səbəb olub.
Qeyd edək ki, bloqerin özü instaqram hesabında ən son olaraq iki həftə əvvəl Mariupoldan, bir həftə öncə isə hamiləliklə bağlı paylaşım edib.
Medianews.az
