Ukraynanı azad etməyə neçə gün qaldığını demək mümkün deyil. Amma biz artıq dönüş əldə etmişik”.
Ukrayna prezidenti Vladimir Zelenski Rusiyanın hərbi müdaxiləsi fonunda həmvətənlərini səbrli olmağa çağırış edib.
Martın 11-də prezident ofisinin mətbuat xidməti tərəfindən yayılan videomüraciətində deyib.
“Artıq 16-cı gündür ki, biz azadlığımız uğrunda mübarizə aparırıq. Bu, düşmənin hərbi müdaxiləsini planlaşdırdığından dörd dəfə çox müddətdir. Bilirəm ki, çoxları yorğunluq hiss edir. Emosiyalar insanlara pis təsir edir. Biz səfərbər olanda, döyüş qələbələrimizi və düşmənin itkilərini görəndə gözləyirik ki, mübarizə tez başa çatacaq və işğalçılar tezliklı məğlub olacaq. Amma bir qədər də zaman, dözüm, müdriklik və enerji lazımdır”, – Zelenski qeyd edib.
O, əlavə edib ki, hazırda “Ukrayna torpağının azadlığına neçə gün qaldığını demək mümkün deyil”.
“Lakin, deyə bilərik – biz bunu edəcəyik! Çünki biz artıq strateji dönüş əldə etmişik. Biz öz qələbəmizə doğru gedirik! Bu, Vətən müharibəsidir. İnadkar düşmənlə müharibədir. Minlərlə öldürülən əsgərlərinə məhəl qoymayan düşmənlə müharibədir. Bütün Rusiyadan ehtiyatda olan və çağırışçıları müharibənin alovuna atan düşməndir. Suriyadan başkəsənləri gətirməyi düşünən düşməndir. O ölkədən ki, onu Mariupol və Xarkov, Axtırka və Çerniqov, Volnovaxa və İzyum şəhərləri kimi məhv edib”, – Zelenski bəyan edib.