İki dostun oyun üstündə başlayan mübahisəsi faciə ilə bitdi – Kürəyindən və sinəsindən bıçaqlayaraq öldürdü

Türkiyədə iki uşağın oyun mübahisəsi dəhşətli şəkildə bitib.

Medianews.az xəbər verir ki, hadisə Türkiyənin Adana şəhərində baş verib.

15 yaşlı O.T. əvvəlki gün mübahisə etdiyi həmyaşıdı ZaferCan Kılıçı cibindən çıxardığı bıçaqla kürəyindən və sinəsindən bıçaqlayıb. Ağır yaralanan Zafer Canı aparıldığı xəstəxanada edilən müdaxilələrə baxmayaraq xilas etmək mümkün olmayıb.

Dünən oğlunun cənazəsini alan ata Zafer Kılıç, ‘Qatilin ən ağır cəzanı almasını gözləyirik. Oğlumun arzuları yarımçıq qaldı” – deyə fəryad edib.

İddiaya görə, lisey şagirdləri Zafer Can Kılıç və O.T bir müddətdir dost olublar. Onlar görüşüb kafedə oturublar. Burada telefonla oyunları oynayan iki dost daha sonra kafeni tərk edib.

Yolda iki dost arasında oyuna görə mübahisə düşüb. O.T cibindən çıxardığı bıçaqla Zafer Kılıçın kürəyindən və sinəsindən bıçaqlayıb. Ağır yaralanan Kılıç ətrafdakıların xəbəri ilə hadisə yerinə gələn sağlamlıq qrupları tərəfindən Çukurova Dövlət Xəstəxanasına aparılıb. Çoxlu qan itirdiyi bildirilən Kılıç həkimlərin bütün səylərinə baxmayaraq xilas ola bilməyib. Hadisədən sonra qaçmağa çalışan O.T. polis tərəfindən yaxalanıb.

Turan Oruc
Musavat.com