Sosial şəbəkədə yayılan məlumata görə, artıq təhqirli şərh və mesaj yazan şəxslər dövlət orqanları tərəfindən cəzalandırılacaq.
Hətta məlumatda qeyd olunur ki, Milli Məclis bununla bağlı yeni qanun hazırlayır.
Belə bir qanun qəbul olunarsa, nə dərəcədə işlək olacaq? Sosial şəbəkələrdəki bu cür hallara hansı qurumlar nəzarət edə bilər?
İT mütəxəssisi Səkinə İlqarqızı məsələ ilə bağlı Medianews.az saytının suallarını cavablandıran zaman bildirib ki, belə bir qanun hazırlanarsa, ölkə daxili və xarici cəzalandırma tipləri tətbiq olunacaq:
“Cinayət və inzibati xətalar məcəlləsinə uyğun olaraq, şəxslərin cəzalandırılması üç yerə bölünür. Hüquqi, vəzifəli və fiziki şəxslər. Burada əvvəlcə hansı qurumların hansı kateqoriyadan olan şəxslərin cəzalandırılması ilə məşğul olacağı müəyyən olunacaq.
Düşünürəm ki, burada ölkədaxili və ölkəxarici cəzalandırma tipləri olacaq. Çünki xaricdə yaşayan “bloger”lər var ki, bizim yaşayışımızı, mənsubiyyətimizi, atrebutlarımızı təhqir edirlər. Çox güman ki, həmin şəxslərin yazdıqları xaricdən bloklanacaq və onların təhqirləri görünməyəcək. Buna isə yəqin ki, xariclə əlaqəsi olan hansısa bir qurum nəzarət edəcək.
Sosial şəbəkələrdəki ölkədaxili təhqirlər, şantajlar və s. isə çox güman ki, Azərbaycan Respublikasının Cinayət Məcəlləsi ilə tənzimlənəcək. Burada söyüşün, təhqirin ağırlığından asılı olaraq, həmin şəxs Rabitə və Rəqəmsal İnkişaf və Nəqliyyat Nazirliyi
, İT sahəsinə aid olan digər qurumlar tərəfindən müəyyən ediləcək. Bunun üçün isə təxminən 1 həftə-10 gün müddət lazımdır. Çünki nə qədər uzun çəkərsə, həmin şəxs rahatlıqla hərəkət edər və digər şəxsləri də narahat etməyə başlaya bilər”.
Leyla
Medianews.az