Türkiyəli jurnalist Sedef Kabaş haqqında televiziya proqramında çıxışına görə “prezidenti təhqir etmək” maddəsi ilə istintaq başladılıb.
Medianews.az xəbər verir ki, bu barədə AK Partiya sözçüsü Ömər Çelik danışıb.
O, jurnalistinsözlərinə reaksiya verərək, “Onun prezident aparatını alçaq sözlərlə hədəf alması müxalifət deyil, əxlaqsızlıq və bayağılıqdır. Bu əxlaqsızlığı qınayırıq” – deyə açıqlama verib.
Qeyd edək ki, Sedef Kabaş səhər tezdən nəzarətə götürülüb.
Televiziya proqramında prezident Rəcəb Tayyib Ərdoğana söylədiyi sözlərə görə saxlanılan jurnalist Sedef Kabaş RTÜK tərəfindən də araşdırılnmağa başlanılıb. İstintaq çərçivəsində saat 02:00 radələrində Kabaşın Sarıyerdəki evinə gedən polis qrupları onu saxlayıb.
Ərdoğanın ünvanına söylədiyi sözlərə görə saxlanıldığı bildirilən Kabaş İstanbul Təhlükəsizlik Müdirliyinə aparılıb. Daha sonra Kabaşın iki vəkilinin Polis İdarəsinə gəldiyi öyrənilib. Vəkil Uğur Poyraz isə saxlanılma ilə bağlı sosial şəbəkədə paylaşım edib.
Radio və Televiziya Üst Şurasının sədri Ebubekir Şahin də sosial media hesabından açıqlama verib: “Sedef Kabaşın prezidentimizi hədəf alan, əsla qəbul edilə bilməyəcək sözlərinin TELE 1 yayım təşkilatında araşdırılmasına qərar verilib. Məsələ gündəmə gətiriləcək. İdarə heyətinin ilk iclasında ictimaiyyətə məlumat təqdim edəcəyik”.
Daxili işlər naziri Süleyman Soylu Şəms-i Təbrizinin “İnsanı heyvandan ayıran ədəbdir” ifadəsinə toxunaraq, “Onlar ədəb və insanlıqlarını itirib, cərgələrə düzülüb, milətin adamına çirkin sözlər söyləyiblər. Onun kimilər paxıllıq və təhqir çuxurundan çıxaraq mübarizə aparırdılar. Sədəf ədəbsizlərin yanında yer alıb, arxalarına sığındıqları isə daha ədəbsizdir”.
Turan Oruc
Medianews.az