Media
Türkiyədə “Təcrübəçi-hüquqşünas” faciəvi şəkildə ölüb.
Medianews.az xəbər verir ki, hadisə Türkiyənin Sakarya şəhərində baş verib.
Sakaryanın Adapazarı ilçəsində 31 yaşlı stajyer vəkilin iş mərkəzinin 4-cü mərtəbəsindən yıxılaraq öldüyü hadisənin görüntüləri ortaya çıxıb. Baş verən hadisədə 31 yaşlı Cem Sarı dünyasını dəyişib.
Hadisə yerinə gələn polislər tərəfindən aparılan araşdırmalarda Cem Sarının stajyer vəkil olduğu müəyyənləşib. Hüquq fakültəsini bitirdikdən sonra Sakaryada vəkil yanında staj keçdiyi öyrənilən Cem Sarının cənazəsi Sakarya Təhsil və Araşdırma Xəstəxanası Korucuk şəhərciyindəki Ədliyyə Tibb Qurumuna göndərilib.
Digər tərəfdən, stajyer vəkilin vəfatından sonra Sakarya Vəkillər Kollegiyasının sosial media hesabında başsağlığı mesajı yayımlanıb. Yayımlanan mesajda, “Stajyer hüquqşünasımız Cem Sarının vəfatından dərin hüznlə kədərlənirik. Gənc yaşda dünyasını dəyişən stajyerimizə Allahdan rəhmət diləyirik. Başda ailəsi olmaqla hamımıza başsağlığı veririk” – deyə qeyd olunub.
Qeyd edək ki, Cem Sarının 4-cü mərtəbədən yıxılma anı ərazidəki təhlükəsizlik kamerası tərəfindən saniyə-saniyə qeydə alınıb. Mövzu ilə bağlı araşdırmalar davam edir.
Turan Oruc
Medianews.az
