Antalyanın Qazipaşa ilçəsində tikinti şirkətinin sahibi olduğu iddia edilən müdir inşaat materialları satılan mağazasına apardığı işçini baqajda aparıb.

Medianews.az Türkiyə mediasına istinadən xəbər verir ki, vəziyyəti görənlər hadisəyə böyük reaksiya veriblər.

Vicdanı sızladan hadisə ötən günlərdə Antaliyada baş verib. Tikinti sahəsində çalışan bir şirkətin sahibi işçiyə iş zamanı geyinmək üçün ayaqqabı alıb, lakin ölçüsü kiçik olub. Sonra işçini ayaqqabını dəyişmək üçün mağazaya aparmaq istəyib.

Tikinti bazarının qarşısına gələndə ön və ya arxa oturacaq əvəzinə açılan baqajdan enən işçini görənlər gözlərinə inanmayıb. Baqajdan enərək mağazaya daxil olan və ayaqqabısını dəyişən işçi yenidən baqaja girib və vətəndaşın köməkliyi ilə bağlanıb.

Görənlərin böyük reaksiyasına səbəb olan hadisə mobil telefonlara və təhlükəsizlik kameralarına əks olunub. Nəqliyyat vasitəsinin sahibi işçini baqaja girməyə məcbur etmədiyini, əynindəki paltarların çirkli olduğu üçün içəri girmək istədiyini iddia edib.

Sözügedən hadisənin görüntülərini təqdim edirik:

Turan Oruc
Medianews.az