Media
2022-ci ilin ilk Merkuri retroqradı bu gün başlayıb.
Medianews.az Türkiyə mətbuatına istinadən xəbər verir ki, bu barədə məşhur astroloq Dinçer Güner sosial media hesabından paylaşım edib.
O, ən diqqət çəkən səma hadisələrindən biri olan Merkuri retroqradı ilə bağlı xəbərdarlıq edib.
Astrologiya həvəskarları planetlərin geriyə doğru hərəkətə keçdiyi dövrləri böyük maraqla yaxından izləyirlər. Səkkiz planet arasında yer alan Merkuri, dörd ayda bir təxminən üç həftə geriyə doğru hərəkəti ilə seçilir və bunun gündəlik həyata müəyyən təsirləri var.
Astrologiyada Merkuri ünsiyyət, ifadə, nitq, müqavilələr, elektronika, təhsil, nəqliyyat, ticarət və qardaşları təmsil edir. Bu planet gerilədikcə ünsiyyət problemləri, anlaşılmazlıqlar, elektron cihazların xarab olması, təhsil və imtahanlarda çətinliklər, səyahətdə gecikmələr, səyahətdə mal itkisi, ticarət mövzularında mübahisələr, qardaşlar arasında ünsiyyət problemləri kimi təsirlərə səbəb ola bilər.
Məşhur astroloq Dinçer Güner Merkurinin geriləməsindən təsirlənməmək üçün sosial media hesabından bu tarixə işarə edib.
Dinçer Güner 2022-ci ilin ilk Merkuri retroqradı ilə bağlı bir tarixə diqqət çəkib ki, bu da əvvəlcə Dolça, sonra Oğlaq bürcündə reallaşacaq. Məşhur astroloq 6 fevraldan sonra iş, karyera və maliyyə mövzularında yeni addımların atılmasının Merkuri retroqradından təsirlənməmək üçün daha yaxşı nəticələr verəcəyini bildirib.
Dinçer Güner, sosial media hesabında mövzu ilə əlaqədar paylaşım edərək bunları yazıb: “Merkurinin geriləməsindən əvvəl gələn iş təklifləri qiymətləndirilə bilər, qorxmayın. Maşın alacaqsanız, 6 fevraldan sonra alın. Amma yenə də siz bilərsiniz. Açığı, 3 gündən bir xarab olan nəqliyyat vasitəsini sürməyinizi istəmirəm”.
Qeyd edək ki, İlin ilk Merkuri retroqradı yanvarın 14-dən fevralın 6-dək baş verəcək.
Turan Oruc
Medianews.az
