“Əziz dostlar, son günlər sosial şəbəkənin qaragüruhçu seqmenti tərəfindən guya ki, unun qiymətinin qalxmasını təqdir etməyimlə bağlı böhtan xarakterli məlumat yayılb. Belə iftiralara inanmayın”.
Sfera.az xəbər verir ki, bunu deputat Elman Nəsirov deyib. Millət vəkili ona böhtan atıldığını bildirib:
“Belə böhtanlar antiAzərbaycan dairələr tərəfindən təşkil olunur və antimilli ünsürlər tərəfindən dəstəklənir. Gördüyünüz kimi, yalan məlumat heç bir mənbəyə söykənmir. Ortada heç bir audio və video fakt yoxdur. Heç bir sayta da müsahibə verməmişəm. Əks halda həmin saytın linkinə istinad edərdilər. Belə qaragüruhu qınayın, qoy onlar yalquzaq həyatı yaşasınlar”.
Deputat insanları ayıq olmağa çağırıb: “Allah belələrinin cəzasını versin. Mən bu halda məhkəməyə müraciət edib, şər-böhtan faktı üzrə onların həbsinə nail olsam, belə məxluqlardan süni “siyası məhbus” obrazı yaradacaqlar. Ayıq olun, əziz dostlar”.