Media
Türkiyədə tanınmış vəkilin başına bədbəxt hadisə gəlib.
BAKU.WS xəbər verir ki, bu günə qədər bir çox məşhurların vəkilliyini edən Aslı Hatemi gözlənilməz hadisə ilə qarşılaşıb. İstanbulun Nişantaşı səmtindəki mağazalardan birindən alış-veriş edən Aslı susayaraq oradakı işçilərdən su istəyib.
Yalnışlıqla su yerinə ona camaşır suyu veriblər. Bunu içən vəkilin qəfildən halı pisləşib. Təcili olaraq xəstəxanaya yerləşdirilən Aslıya ilkin tibbi yardım göstərilib və onun mədəsi yuyulub.
Bununla bağlı açıqlama verən Hatemi həmin mağazaya qarşı hüquqi tədbirlər görəcəyini bildirib:
“İçdiyim su hamınızın bildiyi su şüşəsində idi. Sən demə, içindəki camaşır suyu imiş. Bir gecə xəstəxanada qaldım. Amma indi səhhətim yaxşıdır. Lakin 30 gün müayinələrə gəlməliyəm. Ölümdən döndüm. Bunu mənə edənlərə qarşı hüquqi tədbirlər görüləcək. Heç kimə güvənməyin, yediyinizi, içdiyinizi mütləq yoxlayın”.
