DSX-nin aparat rəhbəri Vətən müharibəsi zamanı keçirilən “Açıq səma” əməliyyatından danışdı – VİDEO

Dövlət Sərhəd Xidmətinin (DSX) aparat rəhbəri Elçin İbrahimov Vətən müharibəsindəki rolu ilə bağlı ona ünvanlanan sualları cavablandırıb.

Medianews.az “BAKU.TV”yə istinadən xəbər verir ki, aparat rəhbəri DSX bölmələrinin müharibənin ilk günlərindən döyüşlərə qatıldığını, o cümlədən Xudafərin körpüsünü və Zəngilanın Ağbənd qəsəbəsini düşmən işğalından azad etdiyini bildirib.

Elçin İbrahimov onu da qeyd edib ki, Azərbaycan sərhədçiləri Füzuli, Cəbrayıl, Zəngilan, Qubadlı və Şuşanın azad olunmasında da qəhrəmanlıqlar göstəriblər.

DSX-nin döyüş əməliyyatlarından danışan aparat rəhbərinin sözlərinə görə, müharibənin ilk günü 105 km ərazi sərhədçilərimiz tərəfindən azad edilib, Azərbaycan-İran dövlət sərhədinin 132 km-i tam nəzarətə götürülüb. O, həmçinin DSX-nin PUA-ları və AN-2 təyyarələrinin qələbənin əldə olunmasındakı rolundan danışıb.

BAKU.WS həmin videonu təqdim edir: