Media
“Atletiko” La Liqanın VIII turunda “Barselona”nı 2:0 hesabı ilə yenib.
Fanat.Az xəbər verir ki, oyunda Kataloniya klubunun keçmiş, Madrid təmsilçisinin hazırkı forvardı Luis Suares diqqət mərkəzinə gəlib. 23-cü dəqiqədə Lemara qol ötürməsi verən uruqvaylı futbolçu 44-cü dəqiqədə ikinci qolu rəqib qapısından keçirib. Bununla da matçın qəhrəmanı olub.
“Barselona”da baş məşqçsi Ronald Kuman tərəfindən istənməyən və ötən il komandanı gözyaşları ilə tərk edən Suares sabiq komandasına vurduğu qoldan sonra xüsusi sevinməyən sevinməsə də, niderlandlı mütəxəssisi unutmayıb. Belə ki, Kuman Suaresə zəng edərək “Barselona”nın planlarına daxil olmadığını” demişdi. Futbolçu isə qoldan sonra telefon işarəsi göstərərək ona cavab verib.
Oyundan sonra açıqlama verən Suares “Qol sevincim insanlara hələ eyni telefon nömrəsini işlətdiyimi xatırladmaq üçün idi. Taleyə inanıram. “Barselona”da oynadığım dönmədə mənə yuxarıdan aşağı baxdılar və əsəbiləşdirmək üçün tək məşq etdirdilər. Buna rəğmən peşəkarlığımdan vaz keçmədim, amma o günləri də unutmadım. Mən bir peşəkaram. Hər gün etiraz etmədən məşq etdim, çünki işim bu idi” deyib.
Qeyd edək ki, Suares bu mövsüm “Ateletiko”nun heyətində meydana çıxdığı 10 oyunda 5 qol vurub və 1 məhsuldar ötürmə edib.
