Media
Xəbər verdiyimiz kimi, Azərbaycan Televiziyasının efirində “YAŞAT” Marafonu təşkil edilib.
“Qafqazinfo” xəbər verir ki, canlı efir zamanı şəhid övladlarının ataları barədə xatirələri aparıcıları ağladıb.
Şəhid mayor Sənan Zamanovun 8 yaşlı oğlu Kənan atası ilə bağlı bunları xatırlayıb:
“Atam deyirdi ki, müharibədən gələcəyəm. Gəlməyimə bir həftə qalıb. Atam həmişə mənim “5” almağımı istəyirdi”.
Şəhid polkovnik-leytenant Ramiz Cəfərovun qızı Nigar həmişə atası ilə fəxr edəcəyini söyləyib:
“Atam sağ olanda da fəxr edirdim, şəhid olandan sonra da fəxr edirəm. Həmişə də belə olacaq, heç vaxt dəyişilməyəcək. Sadəcə atamın var olmağını istəyirdim həmişə. Bir tərəfdən qürur, bir tərəfdən kədər… Amma çox sevinirəm ki, belə bir şəxsiyyətin qızıyam. Atama və bütün şəhidlərimizə, hərbçilərimizə buna görə çox təşəkkürümü bildirirəm. Onlar olmasaydı, biz bu sevinci yaşamazdıq.
Nigarın sözlərinə görə, atası heç vaxt işindən danışmırdı: “Heç vaxt istəməzdi ki, biz nəsə bilək. Atam evdə çox tapılmırdı. Hər gün təlimlərdə olurdu. Atamı axırıncı dəfə 6-7 ay bundan əvvəl görmüşəm və səsini oktyabrın 28-i eşitmişəm”.
