Şirvanda qətl törədilib.

Medianews.az APA-ya istinadən xəbər verir ki, hadisə ötən gecə saat 00:00 radələrində rayonun Şirvan şəhəri, Naxçıvan küçəsi 12 ünvanında qeydə alınıb.

Həmin ünvanda yaşayan, 1969-cu il təvəllüdlü Durna Həsən qızı Dadaşova boğularaq qətlə yetirilib. Qətlə yetirilməzdən əvvəl qadının əl-qolu bağlanıb.

Hadisənin motivi hələlik məlum deyil.

Hazırda hüquq-mühafizə orqanlarının əməkdaşları tərəfindən hadisə yerində araşdırma aparılır.