Araşdırmaçı yazar Xaqani İbrahimovun “Ana-Vətən” kitabı işıq üzü görüb.

Musavat.com xəbər verir ki, kitab Azərbaycanın Birinci vitse-prezidenti, Heydər Əliyev Fondunun prezidenti, UNESKO-nun və ISESKO-nun xoşməramlı səfiri, Azərbaycan Gimnastika Federasiyasının prezidenti Mehriban xanım Əliyevanın ictimai-siyasi fəaliyyətindən bəhs edir.

Müəllif ağır zəhmət bahasına araşdırma apararaq Birinci xanımın Azərbaycanın xarici siyasətindəki rolunu, tariximizin öyrənilməsi istiqamətindəki fəaliyyətini faktlarla oxuculara çatdırmağa çalışıb.

Azərbaycan idmanının ən zəif qolu gimnastika idi ki, burada da Mehriban xanım Əliyeva inkişafa nail olub. Krizis keçirən Gimnastika Federasiyası onun rəhbərliyi altında bir çox uğurlara imza atıb. Adi məşq etməyə zalı olmayan Azərbaycan gimnastlarının istifadəsinə analoqu olmayan idman qurğuları verilib. Azərbaycan beynəlxalq səviyyəli turnirlərin mərkəzinə çevrilib…

Mehriban Əliyeva Azərbaycan qadınının intellektual səviyyəsini dūnya ictimaiyyətinə nümayiş etdirməyə nail olmuş lider xanımdır. Bütün bunlar Xaqani İbrahimovun araşdırma məqalələrində dolğun şəkildə öz əksini tapıb.

“Ana-Vətən” kitabının geniş oxucu kütləsinin marağına səbəb olacağına əminik.

 

Birinci vitse-prezident Mehriban Əliyevanın fəaliyyətinə həsr olunmuş kitab işıq üzü görüb

Xaqani İbrahimov