ABŞ-ın Tempe şəhərində (Arizona ştatı) qatar relsdən çıxaraq yanıb.

APA “TASS”-a istinadən xəbər verir ki, bu barədə şəhər polisinin “Twitter” səhifəsində məlumat yer alıb.

“Tempe polisi və yanğındanmühafizə xidməti Taun-Leyk gölü üzərindəki körpüdə qatarın relsdən çıxaraq yandığı hadisə yerinə cəlb olunub”, – deyə məlumatda bildirilir.

“CBS” telekanalının məlumatına görə, hadisə nəticəsində körpünün bir hissəsi qismən dağılıb.

İnsident zamanı ölüm və ya xəsarət barədə məlumat verilməyib.