Son günlər internet xidməti təklif edən “KATV-1” şirkətindən kütləvi şəkildə şikayətlər edilir.

Musavat.com xəbər verir ki, şirkətin abunəçiləri sosial şəbəkələrdə status yazaraq, bir neçə saatdır yenə də internetsiz qaldıqlarını qeyd edirlər.

Şirkətin “qaynar xətti” edilən müraciətlərə cavab vermir. İnternet istifadəçilərinin sözlərinə görə, bu hal tez-tez təkrarlanır.

Şikayətçilərin sözlərinə görə, bir neçə saatdır ki, internetsiz qalıblar.

Məsələ ilə bağlı “KATV-1” şirkəti sosial şəbəkə vasitəsilə açıqlama yayaraq aşağıdakıları bildirib:

“Serverlərimizdə qeyri-adi trafik artımı səbəbindən abunəçilərin internetə çıxışı ilə bağlı problemlər müşahidə olunur. Fövqəladə hadisənin nəticələrini aradan qaldırmaq üçün mütəxəssislərimiz çalışırlar və artıq abunəçilərimizin internetə girişi qismən bərpa edilib”.